Младите поети Ерика Јованоска и Борис Ночески ќе ја претстават Македонија на фестивал во Мостар

Ерика Јованоска и Борис Ночески, ученици од IX одделение од ООУ„Кире Гаврилоски –Јане“ од Прилеп се единствените млади поети, што ќе ја претставуваат Македонија на меѓународниот фестивал „Деца поети“ што ќе се одржи од први до трети фебруари во Мостар. Личните творби на Ерика и Борис се избрани од стручната комисија во конкуренција од 1470 песни од речиси исто толку млади поети освен од Македонија, од Србија, Хрватска, Словенија, Црна Гора, Грција и Босна и Херцеговина.
Ерика и Борис ќе ги бранат боите на Македонија на фестивалот во Мостар со својата менторка, професорката по македонски јазик, Сузана Николоска.
Двајцата, Ерика и Борис се и првонаградените ученици на конкурсот што за сите основни училишта го распиша Општина Прилеп на тема „Хуманоста – темел во меѓучовечките односи“, по повод чествувањето на патронот на градот, празникот „Свети Никола“.

Видете и...

„Вечер посветена на херојот“, сеќавање на животниот пат и револуционерното дело на Кире Гаврилоски-Јане

Во чест на 100 годишнината од раѓањето на народниот херој Кире Гаврилоски-Јане, во градската библиотека …