Во ЦК „Марко Цепенков“, денеска се одржа традиционалната крводарителска акција која по повод 11 Октомври, ја организира Општинската организација на Црвениот Крст – Прилеп.
Крводарителската акција, во која како соорганизиратор се јавува Одделението за трансфузиологија при Општата болница „Борка Талески“, ја посети и градоначалникот Илија Јованоски, кој рече дека акцијата е само уште еден доказ за хуманоста на прилепчани.
Денешната крводарителска акција е дел од програмата на Општина Прилеп за одбележување на Денот на народното востание, 11 Октомври.
Заради зголемениот број на случаи на Ковид-19 и препораките на Комисијата за заразни болести, одбележувањето на Денот на народното востание ќе помине без традиционалниот огномет.
Во склоп на програмата, вечерва во 19 часот ќе се одржи импровизираниот напад на Участакот, а во 19:30 часот во ЦК „Марко Цепенков“ ќе се одржи Интернационалниот детски музички фестивал „Ѕвездички“.