Општина Прилеп со нејзини претставници, како партнер-општина на Проектот на УСАИД за зајакнување на капацитетите за искористување на ресурсите присуствуваше на „Форумот на градоначалниците – Успешни заедно“ кој се одржа на 14-ти септември 2022, во Охрид.
На „Форумот на градоначалниците – Успешни заедно“, учествуваа градоначалници, заменици градоначалници, секретари и претставници на локалните самоуправи од партнер-општините на Проектот од: Битола, Прилеп, Охрид, Гостивар, Дебар, Липково, Студеничани, Брвеница, Јегуновце, Центар Жупа, Могила, Новаци, Македонски Брод и Дебарца.
На присутните им се обрати заменик директорот на Проектот на УСАИД за Зајакнување на капацитетите за искористување на ресурсите, како и членовите на тимот на Проектот кои ги претставија активностите за поддршка на партнер општините за унапредување на општински капацитети во следниве области:
- Управување со општински јавни финансии
- Планирање и извршување на буџетот
- Фискална транспарентност и отчетност
- Планирање и прибирање на приходи од сопствени извори
- Пристап до надворешно финансирање
- Овозможувачка средина за вклучување на приватниот сектор
На форумот беше дискутирано како најдобро да се искористи техничката помош на Проектот, клучната улога и посветеноста на градоначалниците во спроведување на активностите поддржани од Проектот, можностите, но и предизвиците со кои се соочуваат градоначалниците во подобрување на ефикасноста во секојдневното работење, со цел обезбедување на поквалитетни услуги кон граѓаните.