Современите искуства во третманот на комуналниот отпад од Ерфурт ќе бидат имплементирани и во Прилеп

Градоначалникот на Прилеп, Илија Јованоски престојуваше во службена посета на градот Ерфурт на покана на локалните власти, со цел размена на искуства во сферата на депонирањето на комуналниот отпад.
Експертите за адекватен третман на комуналниот отпад ги презентираа практичните решенија во „SWE Stadtwirtschaft GmbH“, „TUS GmbH“ и „B & R GmbH“.

„Се запознав со работата на комуналните претпријатија, со сите фази на третманот на отпадните води, сè до конечната фаза-производство на енергија. Станува збор за практични современи решенија, кои што сметам дека треба да бидат имплементирани и во општина Прилеп, поточно во работата на комуналните претпријата. Во таа насока, експерт на градот Ерфурт следната година, најдоцна до мај, ќе биде наш гостин. Размената на искуствата и имплементацијата на современите методи на работа во комуналната сфера ќе го доближат Прилеп до европските урбани средини.Тоа е моја главна заложба“, изјави градоначалникот Јованоски.