OПаркот на Револуцијата денеска беше средиште на извидничка дружба на
членови на Сојузот на извидници на Македонија под мотото „Прилеп Ве
повикува 2018“, а нивен домаќин беше извидничкиот одред „Феникс“ .
„Околу 200 извидници од Прилеп, Битола, Куманово , Велес, Свети Николе,
Штип, Охрид, Кичево… овде сме собрани нешто да научиме, да видиме како да
го практикуваме наученото, да се дружиме и да имаме добра авантура“, изјави
Филип Стојаноски, старешина на извидничкиот одред „Феникс“.
Овој настан како што најавуваат од Сојузот на извидници на Македонија ќе се
одржува и во други градови.
„Ние сме коорганизатори на настанот ‘Прво коло извидничка лига – 2018’, што
ќе се одвива во десет градови на Македонија, каде што сите млади ќе се
натпреваруваат, покажувајќи ги своите извиднички вештини“,најави Благој
Костовски од Сојузот на извидници на РМ .
Учесниците се импресионирани од денешното дружење.
„Да се учествува во една ваква акција е многу убаво, бидејќи веќе започнуваатнатпреварите на извидниците, младите се повеќе се дружат, стекнуваат нови знаења, споделуваат и учат нешто ново“,вели Николче Костовски од
охридскиот извиднички одред „Пионер “.
„Извидничката лига е место каде извидниците треба да ги покажат сите свои
квалитети и сите стекнати вештини при реализација на нивните програми
креирани од одредите. Се надеваме дека денешното студено време нема да е
проблем да се реализира првото коло и сите овие млади деца кои што се
дојдени ќе бидат задоволни од организацијата на извидничкиот одред ‘Феникс’
од Прилеп“, вели Ангелче Гушев,старешина на извиднички одред „Димитар
Влахов“ од Велес.