Пионерите на „Победа“ на средба со градоначалникот Јованоски

Градоначалникот Илија Јованоски во својот кабинет ги прими пионерите на ФК „Победа“, кои го освоија Купот на Македонија. На  средбата  стана збор за актуелните случувања и настаните кои треба да се реализираат во иднина.

Пионерите на Победа, родени 2002 и помлади, неодамна го одиграа финалето од Купот на Македонија, при што после изведувањето на пенали забележаа заслужена победа против екипата на ФК „Њу Старс “. Натпреварот се одигра во Скопје, на тренинг центарот „Петар Милошевски“, а пионерите на ФК „Победа“ предводени од тренерот Благоја Филипоски, прикажаа поголема концентрираност при изведувањто на пенали. Во регуларниот дел од натпреварот, резултатот беше 0:0.