До крајот на Март,околу  две илјади метри квадратни  во стариот дел на пазарот ќе се препокријат со бехатон плочки. Тезгите за продажба на текстил и бижутерија ќе бидат дислоцирани од постоечкото место и поставени во поплочениот дел од пазарот. На секои петстотини метри ќе има по една чешма од водоводната мрежа, а за техничка ќе се користи водата од  избушениот бунар, преку петте хидранти кои треба да се изградат. Овој и наредните зафати кои следат се прават  за задоволување на условите по ХАСАП стандардите.

ЈКП “Водовод и канализација” започна со градежни активности околу изградбата на 3-те хидрофорски станици во населбата Точила. Со нив значително ќе се подобри квалитетот на водоснабдувањето во целата населба кога градот ќе се соочи со нарушено водоснабдување поради помал доток на вода од Струденчица тоа да не се почувствува во повисоките катови. Целокупната изведба- пумпите и градежните работи во висина од 100.000 евра се донација на КФВ Банката.

Група од млади спортисти вчера се искачуваа по карпите на локалитетот Маркови кули. Станува збор за балкански собир во спортската дисциплина болдеринг. Болдеринг е стил на качување на карпи без јаже. Прилепскиот регион е еден од најголемите локалитети за болдеринг, посебно во реонот од Марковите кули до Дервен. Околу 7000м2 на овој простор со природни карпи (болдери) сеуште чекаат да се откријат и промовираат како спортска и туристичка атракција, истакнаа спортистите.

Изработка на документарни филмови, промотивни материјали за Прилеп и работата на граѓанските организации, а посебно за ативностите на Мултикултурната мрежа „Пет до дванаесет“ е повод за додлување на најсовремена фото и видео опрема од страна на Италјанската организација  COSV. Денес директорката на COSV  Кинза Џидичи ја предаде во употреба опремата која содржи десетина дигитални апарати, 4 видео камери, рефлектори, плазма телевизор, комјутер, опрема на која повеќе телевизии во Македонија можат да позавидат.

Градоначалникот Ристески по повод Денот на крводарителите подели благодарници и плакети на наши сограѓани кои имаат дарувано крв повеќе пати. За време на средбата градоначалникот Ристески истакна дека тоа е благодарен и хуман гест со кој се спасува нечиј живот. На свечениот прием по повод Денот на крводарителството присуствуваа повеќе крводарители од кои дваесет и четворица крводарители дарувале крв повеќе од 25 пати, 50 дарувања  имаат три крводарители а четворица крводарители својата драгоцена црвена течност ја дарувале повеќе од 75 пати.

Градоначалникот Ристески заедно со претставници од Сојузот на училишен спорт од нашиот град ја промовираа ФУТСАЛ лигата за средни училишта во машка категорија. ФУТСАЛ лигата  е во организација на Сојузот за училишен спорт а финансиски е поддржана од Општина Прилеп.Како што беше истакнато на промоцијата наредната недела ќе биде промовирана и Општинската лига за одбојка во женска категорија каде ќе бидат опфатени основните училишта, а во наредниот период ќе бидат формирани и лиги за кошрка и ракомет.

Во периодот од 19-21 Март 2010г. на локалитетот Маркови кули , ќе се одржи балкански натпревар во болдеринг. Болдеринг качување е стил на качување на карпи без јаже. Прилепскиот регион е еден од најголемите локалитети за болдеринг, посебно во реонот од Марковите кули до Дервен. Околу 7000м2 на овој простор со природни карпи(болдери) сеуште чекаат да се откријат и промовираат како спортска и туристичка атракција. Маратонот ќе се одржи кај манастирот Архангел Михаил.

ОБЈАВА за оттуѓување на градежно земјиште по пат нa јавно наддавање, за давање под долготраен закуп сопственост на Република Македонија, кое се наоѓа во Општина Прилеп, наменето за изградба на Jавна автобуска станица - 11.3.2010

Градоначалникот Марјан Ристески оствари средба со амбасадорот на Чешка Н.Е. Јозеф Браун и  со претставници на фирмата Гренлајф. На средбата   стана збор за можноста чешки фирми да реализираат еколошки проекти во Прилеп (за прочистување на отпадните води, на депониите, енергетиката) и да ја подобруваат животната средина. Воедно беше презентирана најновата технологија за прочистување на отпадните води, која на Прилеп му е потребна за изградбата на пречистителната станица.

Градоначалникот Ристески ја посети втората по ред хуманитарна  крводарителската акција во У.З. „Тризла 2“. Организацијата на ваква хуманитарна акција, чија иницијатива ја покрена  У.З. „Тризла 2“ прераснува во традиција, за што доволен показател е зголемената посетеност на истата од страна на нашите жители во споредба со минатогдишната крводарителска акција, истакнуваат организаторите. Хуманитарната акција на која жителите од оваа урбана заедница ја даруваа својата драгоцена течност, се со цел да спасат нечиј живот, се одвиваше во просториите од салата кај Беширо во У.З. „Тризла 2“.