Делегација од општина Прилеп положи свежо цвеќе пред споменикот на македонскиот револуционер Гоце Делчев во дворот на основното училиште кое го носи неговото име. Поводот за денешниот настан на кој покрај вработените од основното училиште присуствуваа и делегации од општина Прилеп и О.К. на ВМРО – ДПМНЕ и група на граѓани беше одбележувањето на 138 години од раѓањето на македонкиот револуционер Гоце Делчев.

По тој повод учениците од О.У. „Гоце Делчев“ приредија пригодна програма.

Гоце Делчев е роден на  4 февруари 1872 во Кукуш, Егејска Македонија, како прво машко дете, трето по ред на бројната фамилија Делчеви која имала вкупно девет деца. Гоце Делчев (1872 – 1903) е еден од најголемите револуционери во историјата на македонскиот народ, лидер на Тајната Македонско - Одринска Револуционерна Организација (ТМОРО), подоцна преименувана во Внатрешнa Македонска Револуционерна Организација (ВМРО).