Филип Стрезоски е најсреќниот меѓу четириесетте прилепчани кои скокнаа по светиот крст во осветените води од базенот на хотелот „Сонце Г.А.“. 21- годишниот Филип вели дека одамна имал голема желба, пред се заради неговата огромна верба кон Бога, да скокне по светиот крст. Во согласност со традицијата и православната христијанска вера, Локалната самоуправа и градоначалникот Ристески за Стрезоски и за останатите учесници во овој свет настан, обезбедија богати пригодни награди.

Традиционално како и секоја година градоначалникот Ристески присуствуваше на осветувањето на водите и фрлањето на светиот крст во селата Мало и Големо Коњари и Тополчани. Во Мало Коњари најсреќен беше дваесет годишниот Бобан Кукуноски, во Големо Коњари Николче Божиноски, а во Тополчани петнаесет годишниот христијан Христијан Шиклески кој покрај останатите пријавени учесници го фати крстот во водите на Црна река.