Предновогодишно и на свечен начин градоначалникот Ристески им ја честита Новата година и Божикните празници на претставниците од политичките партии, претставници од Советот на Општина Прилеп, пратеници, невладини организации и спортски клубови, претставници од бизнис секторот, директори на јавните претпријатија. По повод престојните празници на новогодишните средби кои ги организираше Локалната самоуправа  беа разменети искуства и сугестии за тековната година како и очекувањата за Новата година која следи.

Градоначалникот Ристески ги поздрави присутните и ги покани заеднички сите да ја дочекаат Новата година на плоштадот во центарот на градот забавуваќи се со познатите  ѕвезди од нашата музичка поп и фолк естрада, Гоце Арнаудов како и големата загребска рок атракција Филм, најавуваќи го и спектакуларниот огномет кој традиционално секоја година за дочекот присутните можат да го проследат во 24 часот кога воедно започнува и Новата година.